بسم الله الرحمن الرحيم
بمناسبة الانتصارات الباهرة لقواتنا المسلحة ..التي تزامنت مع الذكري السنوية الاولي لاستشهاد شقيقي بالقوات المسلحة محمد الذي اصطفاه المولي عز وجل شهيدا في مثل هذا اليوم من العام ٢٠٢٤م بامدرمان محور ام درمان امبدات
تقبله الله شهيدا مع الابرار وقد مهر بدمه الطاهر مع اخوانه الشهداء فداءا للوطن العزيز
تأليف..
الاستاذ الدكتور عبد العظيم أكول
العزة هيلك ياوطن
والانتماء والافتخار
كتبت بي دم الشهيد
ياجيشنا اروع انتصار
سطرت للتاريخ بنود
ورسمت للتاريخ مسار
حب الوطن دم الشهيد
اليوم سعيد طلانا عديد
البهجة عمت كل دار
واتحقق النصر الاكيد
نحنا الاسود لازم نسود
بالقوة بالعزم الحديد
الهمبريب سجع الحمام
والساحة صجت بالنشيد
سودان يمين مليان شموخ
وهواه في الدم والوريد
النيل سري وهبت رياح
العودة للمسري الحنين
سودان يمين نملاه عز
بلد الجباه والراكعين
صحو البنادر والجروف
والنصر معقود في الجبين
جيشا اغر في الحارة جد
تلقاه بي هيبة ويقين
فارد شراع يبني البلد
والله ما لا خاف لابلين
تلقي الشهيد تلو الشهيد
اخوانا هم في الخالدين
الليلة افرحي يا بلد
مالينا غير حضنك ملاذ
دوي الرعود صوت المطر
يا فخر للناس العزاز
فرحت رمال الحي معاك
وكمان ضحك شجر الحراز
ثابتين علي الحق المبين
مافينا من تلقاهو فاز
ما جيشنا معروف من زمان
كل المفاخر ليها حاز
ارجع خلاص وطنك شرق
ارعاهو بي كل اعتزاز
