متابعات – الجاسر نت – سليمان مصطفي
كتب المرهف الأنيق في صمته والكلام الدكتور الشاعر الكبير عبد العظيم محمد عثمان اكول، وهو على الفراش الابيض جديد اشعاره (قايل السعادة براح.. وما بتلقي اي عذر.. ناسي المرض سلطان ولو كنت منو حذر)، وللشاعر صاحب الحرف الرفيع عدد مقدر من الأشعار الوطنية والغنائية وللمدن وللمؤسسات التعليمية.
قالوا المرض سلطان
وين نلقي منو مفر
علي كف القدر بنروح
نتعب نلاقي المر
ونصبر علي الالام
لو صابنا جانا قدر
ونسأل اله الكون
يدينا تاني عمر
نسلك دروب الخير
لو حتي نوطا جمر
ما العمر كلو بروح
راحت سنينو هدر
عمر الزمن ايام
شوفوها كيف بتمر
من غير ماتشعر يوم
لا ليل بحن لافجر
والعشتو في دنياك
لاشافو زول لابشر
وترجع تعيد ايام
زاهية وليالي خضر
في الساعة ديك كنت
تجني الدهب والدر
قايل السعادة براح
وما بتلقي اي عذر
ناسي المرض سلطان
ولو كنت منو حذر
والما بكتلو مرض
امكن يموت في سفر
والدنيا مهما تطول
وان كان طويلة بحر
وما بينفعك غير خير
في يوم بذرتو بذر
او جدت يوم ليتيم
تلقاهو في المحشر
او كنت في دنياك
للحق دوام تنصر
وتبعت للمعصوم
في كل ثانية تمر
ومتابع النساك
واغبر ثيابو غبر
واتبع دروب صالحين
ما بعرفو درب الشر
واسلك طريق قران
خليهو هادي قمر
في كل ساعة وحين
حيزيد عمرنا عمر
